Фрчковски предложен за амбасадор во Обединетите нации

Поранешниот министер за внатрешни и за надворешни работи, професорот по меѓународно право, Љубомир Фрчкоски е предложен за македонски амбасадор во седиштето на Обединетите нации во Њујорк.

„Имам добиено материјал, од Министерството за надворешни работи доставени се тезите на Фрчкоски“- потврди спикерот Џафери.

Доставени се до претседателот на Комисијата за надворешни работи, но досега не е свикана седницата. Тоа е во надлежност на претседателот на Комисијата, кога ќе реши тој да ја свика, тогаш би требало да биде- рече Џафери.

Претседател е Антонијо Милошоски од ВМРО-ДПМНЕ. Фрчкоски во владата на Црвеновски беше министер за внатрешни, па за надворешни работи.

Во 2009-та беше кандидат за претседател на државата предложен од тогаш, опозицискиот СДСМ. Изгуби од претседателскиот кандидат на ВМРО-ДПМНЕ Ѓорге Иванов.