Северна Кореја успешно тестираше суперсонична ракета, соседите загрижени

Северна Кореја изврши успешно тестирање на суперсонична ракета, објави официјалната Севернокорејска новинска агенција, оценувајќи дека се работи за голем технолошки напредок. Успехот на тестoт е од голема стратешка важност затоа што Пјонгјанг се обидува да ги зголеми одбранбените способности. Проектилот е едно од петте најважни нови оружја, чиј развој е предвиден во новиот петгодишен воен план.

Суперсоничните ракети се многу побрзи од конвенционалните балистички или крстосувачки ракети. Исто така, многу потешко се откриваат и пресретнуваат со системи за противракетна одбрана. Ова е трето ракетно тестирање на северна кореја овој месец.

Јужнокорејската војска соопшти дека северот испалил проектил. Стравува  и анализира информации со американската војска.

Северна Кореја претходно месецов објави дека успешно тестирала новоразвиени крстосувачки ракети со голем дострел на 11 и 12 септември.  Исто така, истрела две балистички проектили со краток дострел во Јапонското Море на 15 септември, кои најверојатно паднале во јапонската ексклузивна економска зона.

„Јапонската влада е во состојба на готовност и ја следи ситуацијата. Исто така, анализираме и како беше спроведено лансирањето“, изјави Суга Јошихиде, премиер на Јапонија.

Тестирањето на ракетата е уште еден показател дека Пјонгјанг продолжува да развива оружје и покрај строгите санкции.

Северна Кореја веќе покажа дека има нова крстосувачка ракета, како и нов систем за балистички ракети.

Марина Ристова