Јанков: СДСМ и ВМРО-ДПМНЕ немаат легитимитет да бараат доверба од граѓаните во Центар

Двете најголеми политички партии, СДСМ и ВМРО-ДПМНЕ, загубија секаков легитимитет да бараат доверба од граѓаните во Центар, по 30 годишно лукративно одработување во оваа општина, вели кандидатот на Левица за градоначалник на Центар, Андреа Јанков.

Додаде – нашата програма се заснова на просторот како извор за центарци, неговата хуманизација и на приближувањето на граѓаните за носење одлуки во општината.

Јанков смета дека усвојувањето лоши детални урбанистички планови и нивната поддршка од партиската машинерија доведе до ситуација во Центар, од една страна да има хипер-урбанизирани населби и проблеми со паркирање, како што е случајот со Дебар Маало и Буњаковец, додека од друга, населбите како Маџир маало се тотално заборавени од општината.

Марија Котовска