Намален интересот за вакцинација во струшко
Се намали интересот за вакцинација во струшко. Пунктовите за имунизација во Струга и Вевчани имаат доволно вакцини, но граѓаните не доаѓаат да се вакцинираат. Се нуди и трета бустер доза, но за неа се заинтересирани само здравствените работници...
Нема интерес за вакцинација во струшко, пунктовите за имунизација имаат доволно вакцини, но веќе десеттина денови зјаат празни. Од Здравствениот дом Струга велат, иако нудат трета доза вакцина, многу е слаб интересот од страна на граѓаните.
„Многу е намален интересот за вакцинација, не знам зошто. Од оваа недела почнавме и со трета доза вакцина, но мал број се тие. Нели шест месеци треба да поминат. Беше одлично но сега рапидно е намален бројот на нововакцинирани“, вели Андон Ложанкоски директор на Здравствен дом Струга.
Околу 50% од полнолетните граѓани во регионот што го покрива здравствениот дом „Д- р Светозар Чочороски“ во општина Вевчани и околните струшки села се вакцинирани. За трета доза се заинтересирани само здравствените работници и повозрасните граѓани.
„Негде околу 50% имаме вакцинирани од понолетните граѓани моментално вакцинираме само со Фајзер и задоволителна е заинтересираноста. Вакцинација се врши на два пункта во Вевчани и Лабуништа“, вели Јован Стојкоски, директор на Здравствен дом Вевчани.
Според последните анализи на Министерството за здравство во Струга околу 40% од населението е имунизирано. Од почетокот на пандемијата заболеа 3.803 лица, а во моментов има 107 активни сучаи на коронавирусот.
Соња Рилковска