15 загинати, тројца исчезнати во поплавите во Шанси

Владата во провинцијата Шанси, северна Кина потврди 15 загинати и тројца исчезнати во поплавите предизвикани од поројните дождови. Над 120 илјади се евакуирани откако се урнаа илјадници домови. Уништени се и над 190 илјади хектари обработливо земјиште.

Економска загуба е проценета на  770 милиони долари. Поради поплавите беа запрени и операциите во рудниците за јаглен во период кога земјата се соочува со недостиг од гориво.