ЕК со нов извештај за напредокот на земјава

Европската комисија со нов извештај за напредокот на земјава, кој ќе биде објавен попладнево. Позитивно се оценува зајакнувањето на демократијата, владеењето на правото и борбата против корупцијата. Според информации на МИА, забелешки има за работата на Парламентот, каде според Брисел има длабока поларизација со последици за неговата работа.

Комисијата оценува дека е потребно зајакнување на улогата на Парламентот како форум на конструктивен политички дијалог, посебно во делот на реформската агенда за ЕУ.

Комисијата со забелешки и за локалните избори. Според Брисел, не се спроведуваат препораките на ОДИХР и Венецијанската комисија за навремено усвојување на измените на изборното законодавство.

Во извештајот за земјава се констатира дека е постигнат мал напредок во реформата на јавната администрација. Судскиот систем е умерено подготвен за ЕУ членство. Генерално, законската рамка за човекови права е согласно ЕУ стандардите.

Напредокот во делот на слободата на изразување е ограничен, се наведува во најновиот извештај на Европската комисија.