Џафери на Конференција во Атина, ќе се сретне со претседателот на грчкиот Парламент

Претседателот на Собранието, Талат Џафери учествува на дводневната Конференција на претседатели на парламентите на земјите – членки на Советот на Европа што се одржува во Атина, а планирана е средба и со претседателот на парламентот на Грција, Константинос Тасулас.

На конференцијата ќе учествуваат претседателите на Парламентите на 47-те земјите членки на Советот на Европа, како и на земјите- набљудувачи или партнери за демократија, односно учество ќе земат над 50 претседатели и околу 300 претставници.

Дводневната дискусија на претседателите ќе се фокусира на три главни тематски области „Демократиите соочени со здравствена криза Ковид-19: споделување искуства, патот напред“, „Животната средина сега“: националните парламенти и правото на здрава и одржлива животна средина“ и „Заедничката иднина на сите европски граѓани“.

На маргините на Конференцијата, претседателот на грчкиот парламент, Тасулас ќе оствари низа средби со негови колеги, меѓу кои и со Џафери.