ДИК попладнево ќе решава за приговорите
За постапката за гласање и за сумирање и утврдување на резултатите од првиот круг на локалните избори, до Државната изборна комисија од политички партии се поднесени вкупно 13 приговори.
Државната изборна комисија на денешната попладневна седница ќе решава за поднесените приговори за првиот круг од локалните избори кои се одржаа на 17-ти октомври.
За постапката за гласање и за сумирање и утврдување на резултатите од првиот круг на локалните избори, до Државната изборна комисија од политички партии се поднесени вкупно 13 приговори.
СДСМ и коалицијата доставиле пет, од Алијанса за Албанците и Алтернатива пристигнале шест приговори, а ВМРО-ДПМНЕ и коалицијата поднеле приговори за три избирачки места. ВМРО-ДПМНЕ поднесе и два приговора за прекршување на изборниот молк.