АД ЕСМ распиша нов тендер за набавка на јаглен за РЕК Битола

АД Електрани на Северна Македонија распиша нов тендер за набавка на јаглен за надминување на енергетската криза што од европа се прошири и во Mакедонија. Понудите ќе се отвораат на втори ноември.

Вториот тендер што го распиша националниот произведувач е за 900 илјади тони и важи само за потребите на РЕК Битола.

Минатата недела на пропаднатиот тендер се јавиле три македонски и рудници од Албанија, Косово, Русија, Турција и Босна и Херцеговина, но, понудите не ги исполнувале целосно количествата кои се бараа.

Неодамна директорот на АД ЕСМ, Васко Ковачевски, изјави дека јаглен е потребно  заради високите цени на берзите во регионот и во Европа, а е исклучиво за потребите на отворениот пазар, со цел снабдување со електрична енергија по пониски цени од моменталните  на берзите.