Од вкупно 124 починати за една недела, 27 биле вакцинирани против Ковид-19

Во период од 15-ти до 21-ви октомври починале 124 пациенти со Ковид 19, од нив над 78% биле невакцинирани. Од вкупно починатите пациенти во овој перидод, 97 пациенти починати со ковид биле невакцинирани, а само 27 од починатите примиле вакцина и ревакцина, информираат од Министерството за здравство.

Еден пациент е вакциниран со Фајзер. Двајца со вакцина Астра Зенека, шест починати пациенти со Ковид 19, примиле вакцина Синовак, а 16 пациенти примиле вакцина од производителот Синофарм, двајца пациенти биле вакцинирани со вакцината Спутник В.

Сите починати, а вакцинирани лица имале дополнителни заболувања, најчесто хронично кардиолошко заболување, дијабет, обезност.