Протест во Рим за климата и распределбата на вакцините

Илјадници луѓе излегоа на улиците на Рим за да ги повикаат лидерите на Групата 20 најразвиени економии да реагираат на климатските промени и да обезбедат праведен пристап до вакцините против коронавирусот.

Маршот го предводеа климатски активисти кои побараа од светските лидери „да ја спасат планетата“.

Во Рим се одржа и помал протест против италијанската влада. Поради самитот во градот се распоредени околу 6.000 полицајци и околу 500 војници.