Поголем интерес за гласање во Ѓорче Петров во споредба со првиот круг
Во вториот круг од локалните избори жителите на општина Ѓорче Петров гласаат за градоначалник на Град Скопје. Во избирачкиот список во оваа општина има 38.529 гласачи...
Поголем интерес за гласање во општина Ѓорче Петров во однос на првиот круг од локалните избори. Од отворањето на избирачките места, граѓаните излегуваат да го дадат својот глас, овојпат побрзо, без чекање и без проблеми при биометриската идентификација на запишаните гласачи.
Гласањето се одвива во најдобар ред, велат од избирачкиот одбор на избирачкото место бр. 2564 во општина Ѓорче Петров.
Избирачките места ќе бидат отворени до 19 часот. Бидејќи се гласа само за градоначалник на Град Скопје, се очекува побрзо од првиот круг да бидат соопштени резултатите од изборите.
Ирина Гелевска