Здравствени работници без пари и договор за работа
Здравствени работници, медицински сестри и болничари во прилепската болница бурно реагираат на нивниот нерешен статус и на работата без пари повеќе од девет месеци. Ангажирани во ковид-кризата, со месеци работат без ништо и со ризик. Бараат одговори од Министерството за здравство...
Шестнаесет здравствени работници, медицински сестри и болничари, повеќе од девет месеци не добиваат ниту пари, ниту имаат некаков договор за работа, а најмалку здравствено осигурување. Ангажирани во ковид кризата, со работни обврски во модуларната болница и на другите одделенија, имале најава дека ќе им се реши статусот, но досега нема ништо.
Од Болницата велат дека во тек е постапката за нова систематизација.
Уверуваат дека набрзо ќе стигне одобрената систематизација за потоа да бараат согласности. Здравствените работници, пак, бараат одговори од Министерството за здравство.
Елизабета Митреска