Започна пријавувањето за вакцинација против сезонски грип

Од денеска пријавување за вакцинација против сезонски грип преку страницата „вакцинација.мк“. Министерството за здравство и годинава набави 40.000 дози четиритипни вакцини против сезонски грип.

Поради зголемената побарувачка на вакцини против грип на глобално ниво, се прават напори количините на вакцини да пристигнат во што побрз рок, велат од здравство.

Наменети се за стари лица над 65 години, лица со хронични заболувања, здравствени работници, бремени жени и за децата на возраст од 6 месеци до 5 години. За нив вакцината е бесплатна.

Од ресорот посочуваат дека не е доцна, граѓаните да се вакцинираат против грип во ноември или декември, бидејќи според епидемиолошките податоци, болеста пикот го достигнува кон крајот на февруари.