Вакцинација против сезонски грип од петок
Вакцините против сезонски грип веќе се дистрибуираат со цел да не се мешаат групите граѓани кои доаѓаат за вакцинација за сезонски грип и за Ковид-19.
Пристигнаа 40.000 четириваленти вакцини против сезонски грип. Вакцинацијата ќе почне в петок, а СМС пораки ќе почнат да добиваат граѓаните кои се пријавиле на сајтот vakcinacija.mk.
Ова е четврта година по ред како обезбедуваме бесплатна вакцинација за хронично болните, граѓаните над 65 – годишна возраст, бремените жени, децата и здравствените работници, изјави денеска министерот за здравство Венко Филипче.
Филипче нагласи дека ставот на Националниот комитет за имунизација е дека нема никаков ризик ако двете вакцини, таа за сезонски грип и за Ковид-19, се примат во исто време, а ако не се примат во исто време нема разлика колкaв временски период ќе биде дистанцата меѓу двете вакцинациi.
Вакцините против сезонски грип веќе се дистрибуираат. Вакцинацијата ќе се спроведува во центрите за јавно здравје и дел од здравствените домови во Скопје каде нема вакцинација за Ковид-19.
Освен оваа количина вакцини, центрите за јавно здравје набавија 11.000 комерцијални вакцини од кои 4.000 се во Скопје.