Кина и САД со заеднички план за намалување на стакленичките гасови

Историски договор на самитот во Глазгов. Кина и Соединетите Американски Држави потпишаа декларација за соработка за намалување на емисиите на стакленички гасови во следната деценија која се смета за клучна за борбата против  климатските промени.

Според научниците, ова е неопходно за да се намали глобалното затоплување на 1,5 степени Целзиусови. Двете страни признаваат дека постои јаз меѓу досегашните напори и Парискиот договор, поради што ќе ги здружат силите.