Потребна е поголема поддршка и вложување во високото образование
Битолскиот универзитет „Свети Климент Охридски“ на првата студентска конференција преку осум студентски трудови покажува каков треба да биде спојот помру теоријата и праксата, но за повисоки дострели потенцираа дека сегашното државно вложување и поддршка на високонаучните установи само со 0,3 проценти од БДП, не е доволно и е далеку под стапките што ги имаат напредните земји.
Висок приоритет треба да има едукацијата и економијата во нашата држава, доколку сакаме да постигнеме високи технолошки дострели. Но, сериозно сум загрижен од местоположбата што ја има нашето високо образование. Под 0,3 проценти од бруто- домашниот производ се вложува во научните истражувања на нашите високообразовни институции, наспроти високоразвиените земји кои издвојуваат и до четири проценти, рече проректорот Ѓуровски.
И во услови кога сериозен е недостатокот на наставен кадар и средствата главно се обезбедуваат од сопстевени извори, осумте студентски трудови покажаа што значи вистинскиот спој помеѓу праксата и теоријата.
Високото, наспроти основното и средното образование е маргинализирано. Потребна е реорганизација што би ја направило матичното министерство, велат од УКЛО.
Проректорот Ѓуровски вели дека со вчерашното формирање на Алумни клубот на универзитетот ќе се придонесе за исчекор во поврзаноста со бизнис заедницата.
Стевче Митревски