Почнува вакцинацијата против сезонски грип
Според здравствените власти, обезбедени се 40 илјади дози вакцина, наменети за ризичните категории граѓани и ќе се аплицираат бесплатно.
Од утрово на вакциналните пунктови во здравствените домови почна имунизацијата против сезонски грип. Според здравствените власти, обезбедени се 40 илјади дози вакцина, наменети за ризичните категории граѓани и ќе се аплицираат бесплатно.
Дополнително се обезбедени и вакцини за комерцијална употреба. Ќе чинат 800 денари и ќе почнат да се даваат од понеделник.
Ставот на Националниот комитет за имунизација е дека нема никаков ризик ако двете вакцини, таа за сезонски грип и за Ковид-19 се примат во исто време, а ако не се примат во исто време нема разлика колкaв временски период ќе биде дистанцата меѓу двете вакцинации.