Расте бројот на заболени од морбили во Скопје

Во Скопје за 5 дена бројот на заболени од мали сипаници се зголеми од 25 на 43. Ако првично беа меѓусебно поврзани, сега има и изолирани случаи. Има и деца и возрасни до 50 години. Повеќето од заболените  биле невакцинирани, или вакцинирани само со една доза. 9 од заболените во моментоов се лекуваат на Инфективната клиника,од кои еден случај е нов донесен во текот на изминатиот викенд. Се врши вонредна вакцинација на сите блиски во семејставата на заболените. 

 

 

Оваа епидемија е пример за тоа како може да се вратат речиси искоренети болести. Последниве месеци по социјалните мрежи се јавува движење на родители кои се против вакцинација на децата. Не ги вакцинираат и тврдат дека вакцинацијата има штетни последици. Неодамна група родители преку Стамен Филипов поднесе иницијатва за оспорување на задолжителноста на вакцинацијата пред Уставниот суд. Министерот за здравство Никола Тодоров токму оваа епидемија ја посочи како пример зошто мора да има задолжителна имунизација.