Повредените остануваат во „Пирогов“ до петок, потоа ќе се прави план за транспорт во Скопје

Седумте повредени патници од страотната несреќа која се случи вчера во Бугарија, ќе останат на болничко лекување во софиската болница „Пирогов“до петок, а потоа ќе се направи план за нивен транспорт во Скопје, информираат од Министерството за здравство.

Министерот за здравство Филипче, утрово разговарал со д-р Иван Поромански, директор на болницата каде се хоспитализирани повредените патници.

Како што информираат од здравство сите пациенти се стабилни и се под постојан лекарски надзор, а дадена им е и психолошка поддршка. На двајца пациенти им е извршен хируршки зафат, еден е опериран на ногата, а помал хируршки зафат е извршен кај девојка, на која и е оперирано коленото, тие се чувствуваат добро.