Време за ролки

Со доаѓањето на постудените денови, доаѓа и времето на ролки. Убаво го топлат вратот, а ја истакнуваат и бистата. Изборот е навистина голем, комбинациите исто така.

Изборот на бои и модели е разновиден. Дебелината зависи од потребата при составувањето на аутфитот, со потенките може да се заокрижи изгледот, ако се носат и под фустан или кошула.

Ќе придонесат за убавината на аутфитот, но ќе направат и да се чувствувате топло и удобно.

Долгите подебели ролки, како туники, ќе обезбедат едноставен, но и ефектен изглед.

Покусите модели се носат со панталони и фармерки со повисок струк. Оние со поексцентричен вкус, и на кои не им студи, може да се определат за асиметрични кроеви.

Аида Николовска