МТСП: Вонреден инспекциски надзор во градинката каде на децата им се пушта несоодветна музика

Во врска со информациите, што беа објавени во медиумите дека во детска градинка во Општина Карпош на децата им се пушта несоодветна музика, Министерството за труд и социјална политика ја информира јавноста дека веднаш ќе испрати вонреден инспекциски надзор во соодветната установа за згрижување и воспитување на децата.

Јавните установи за згрижување и воспитување на деца работат врз основа на Програма за рано учење и развој која воспитно - згрижувачкиот кадар е должен да ја спроведува.

Надлежните  инспекциски служби ќе ја утврдат фактичката состојба околу спроведувањето на Програмата, по што ќе предложат соодветни мерки, соопштуваат од МВР.