Крај за пазарењето со пластични кеси
Од утре е на сила обврската за наплаќање по 15 денари за пластичните кеси. И тоа биоразградливи. На пазарот и во угостителските објекти не смее да се даваат. Ги прашавме граѓаните- се согласуваат и ги подготвуваат торбите за пазарење. Дел од трговијата има биоразградливи кеси. Најзбунети се на зелениот пазар- не добиле понуда за хартиени...
Платнени, сламени, практични, модерни. Се враќа потребата од торбите за на пазар. Од утре на пазарите, во угостителските објекти се забранува да се даваат пластични кеси за носење стоки, а таму каде има биоразградливи - ќе чинат 15 денари.
Граѓаните запознати и ги подготвуваат торбите. Така било и порано. Во дуќаните, велат, имаат документ за биоразградливи кеси. Во дел од маркетите- креваат раменици, во други, се знае- зеленчукот и овошјето во хартиени, стоките во биоразградливи по цена од 15 денари. Најзбунети се продавачите на зелениот пазар.
Министерството за животна средина уверува дека производителите на кеси не треба да стравуваат за работата - само да се приспособат на стандардите за биоразградсливост. Новиот правилник е готов, треба да стапи на сила.
Елизабета Митреска