Владата ќе ја одржи редовната 125-та седница
Согласно предложениот дневен ред, на седницата ќе биде разгледуван Предлог-законот за ратификација на Мултилатералната Конвенција за имплементација на мерките за спречување на ерозија на даночната основа и преместување на профитот кои се однесуваат на договорите за одбегнување на двојното оданочување.
Владата денеска со почеток во 12 часот ќе ја одржи редовната 125-та седница. Согласно предложениот дневен ред, на седницата ќе биде разгледуван Предлог-законот за ратификација на Мултилатералната Конвенција за имплементација на мерките за спречување на ерозија на даночната основа и преместување на профитот кои се однесуваат на договорите за одбегнување на двојното оданочување.
Пред министрите, меѓу другото на разгледување ќе се најдат и Информацијата за изготвена Стратегија за здравство на Република Северна Македонија 2021-2030 година, како и Информацијата за текот на реализацијата на Националната стратегија на Република Северна Македонија за соработка со дијаспората, 2019-2023 година.