Меѓународен ден за борба против корупцијата
Корупцијата продира во сите пори на општеството. Сѐ уште има има голем ризик од политичко влијание, неказнивост и злоупотреби. Антикоруционерите повикуваат на надлежните брзо да реагираат за навремено спречување на корупцијата...
Антикорупционерите тврдат – во земјава сѐ уште се високи ризиците од корупција поради политичко влијание, неказнивост, злоупотреба на дискреционите овластвувања и нетранспарентност.
Корупцијата продира во сите сфери, онаму каде ќе наиде на поволно тло, на алчни, суетни личности кој имаат личен интерес за моќ и влијание, но, без интегритет и без етичност. Главна заложба на Комисијата е градење на силни институции преку јакнење на личниот интегритет на службените лица, кои чесно и одговорно ќе се спротистават на корупцијата.
Мора да бидеме будни, брзо да реагираме за навремено спречување на корупцијата, вели потпретседателот на Собранието, Мисовски.
Корупцијата е предизвик насекаде, вклучувајќи ја и Унијата. За нејзино добро функционирање се бориме со ова негативна појава. Неопходно е придржувањето до законките принципи и морални вредности, порачаа од делегацијата на ЕУ во земјава.
Корупцијата е најголем проблем на граѓаните. Очекувања на антикорупционерите се да расте свеста кај луѓето за да се пријавуваат сите незаконски и корупртивни активноси да се стави крај на ова зло.
Наташа Гркова Петрушевска