МВР: Казнет 271 возач за брзо возење

Во текот на вчерашниот ден Министерството за внатрешни работи спроведе зајакната акциска контрола на територијата на државата за санкционирање на возила кои се движат со брзина поголема од дозволената, при што санкционирани се 271 возач.

Од нив четири возилa се движеле со брзина над 50 километри на час повеќе од дозволеното. Притоа, 119 возачи ја пречекориле брзината во населено место, а 152 надвор од населено место.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, соопштуваат од МВР.