„Вазали, купен легитимитет со крадени гласови, егзодус“

Претставувањето на програмата на Илија Страшевски, новонаименуваниот македонски амбасадор во Косово, падна во сенка во Комисијата за надворешна политика по размената навреди и закани меѓу Ермира Мехмети од ДУИ и Орхан Ибраими од ДПА. „Вазали, купен легитимитет со крадени гласови, егзодус“-  си дофрлаа двајцата пратеници. Претседателот на комисијата, Антонио Милошоски неколкупати се обиде да ја смири напнатоста прекинувајќи ја на момент седницата, но сепак посилна беше нетрпеливоста меѓу Мехмети и Ибраими. На навредите на Ибраими се приклучи и Имер Алиу од ДПА којшто не е член на комисијата, но сепак дојде на седницата. Ермира Мехмети на крајот заклучи дека амбасадорот Страшевски говори албански јазик и дека тоа е доволен доказ за добрососедство меѓу двете држави.