Откажана собраниската седница за пратенички прашања
Џафери оцени дека е нецелисходно да се одржат пратеничките прашања, бидејќи Владата е во оставка и тоа е воспоставена практика од минатото.
Седницата за пратенички прашања закажана за денеска, нема да се одржи, информира претседателот на Собранието, Талат Џафери. На денешната седница ќе се констатира оставката на премиерот Зоран Заев, по што ќе течат роковите за натамошни постапки што треба да се преземат за избор на нова влада.
Џафери оцени дека е нецелисходно да се одржат пратеничките прашања, бидејќи Владата е во оставка и тоа е воспоставена практика од минатото.
Пратеничката на ВМРО-ДПМНЕ, Гордана Силјановска-Давкова вчера во изјава пред Собранието порача дека пратеничката група на најголемата опозициска не се откажува од уставното право за пратенички прашања.