Процедурата за вадење пасоши во Минхен скратена од шест месеци на три недели
Досега аплицирале 470 наши државјани, 380 патни исправи се изготвени и доставени до генералниот конзулат, а 252 веќе се подигнати.
Базната станица за издавање патни исправи во Генералниот конзулат на Република Северна Македонија во Минхен успешно функционира, информираат од МНР. Досега аплицирале 470 наши државјани, 380 патни исправи се изготвени и доставени до генералниот конзулат, а 252 веќе се подигнати.
„Нашите граѓани ја поздравуваат оваа одлука и многу се благодарни и презадоволни што процедурата за добивање нова патна исправа не трае 6-9 месеци, туку 3-4 недели“, изјави генералниот конзул Реџеп Демири.
Освен во Минхен, базните станици успешно функционираат и во Чикаго, Њу Џерси, Бон, Берлин, Берн, Љубљана, Виена и Лондон, како и мобилните станици во Стокхолм, Брисел, Мелбурн, Торонто и Венеција.