Регулаторната комисија денеска ќе решава за висината на цената на струјата
Од Владата велат дека за следните шест месеци има доволни количества електрична енергија за граѓаните и за малите потрошувачи кои ќе користат повластени цени пониски од берзанските...
Граѓаните чекаат Регулаторната комисија да објави за колку ќе поскапи струјата од први јануари. Од Владата велат дека за следните шест месеци има доволни количества електрична енергија за граѓаните и за малите потрошувачи кои ќе користат повластени цени пониски од берзанските.
Новата цена на струјата за корисниците на регуларниот пазар ќе важи во првите шест месеци од наредната година. Сите енергетски компании веќе побараа зголемување на цената на електричната енергија.
Во меѓувреме, повисока цена на парното за 300 проценти бара и БЕГ. Велат, била порасната цената на гасот на светските берзи во однос на јули, кога беше донесена последната одлука за цената на топлинската енергија.