Престанува да важи бесплатниот автобуски превоз во Скопје

Престанува да важи мерката за бесплатен автобуски превоз, која беше прогласена во понеделникот.

Град Скопје вчера ја донесе одлуката поради подобрување на состојбата со загаденоста на воздухот и по добиено известување од Министерството за животна средина и просторно планирање, а врз основа на податоци од Државниот автоматски мониторинг систем за квалитет на воздух.

Мерката за бесплатен јавен превоз во главниот град беше активирана на 27-ми декември откако два дена последователно беше надминат прагот на алармирање за ПМ10 честички во воздухот.