Почна тридневниот штрајк на пилотите на Луфтханза
Штрајкот е поради притисокот на компанијата пилотите да не се пензионираат на 55 годишна возраст, туку да работат подолго, а тие не се согласуваат...
Пилотите на Луфтханза утрото го почнаа штрајкот којшто ќе го парализира сообраќајот на германските воздухопловни компании.
Откажани се 3 800 летови со што се погодени 425 000 патници од денеска до петок навечер.
Компанијата ги известила патниците на разни начини, преку СМС пораки, меилови и им понудила летови на други компании. Штрајкот е поради притисокот на компанијата пилотите да не се пензионираат на 55 годишна возраст, туку да работат подолго, а тие не се согласуваат.
Министерот за сообраќај Александер Добринд изјавил дека секој ден од штрајкот носи огромни последици за стотина илјади луѓе.
Соња Стојановска