Нова влада до крајот на неделава

Раководните тела на СДСМ треба да ги потврдат кадровските решенија за состав на новата влада. Според најавите, персоналниот состав и новата владина програма до утре ќе бидат адресирани до Собранието. За да добијат зелено светло треба мнозинство гласови на пратениците.

Засега извесно е дека во министерската фотелја во здравство ќе седне Беким Сали од Алтернатива. Партијата која добива уште две министерски позиции, без ресор, задолжен за дијаспора и за информатичко општество и администрација.

Во новата влада нема да бидат Филипче, Шекеринска, Царовска, Димитров, Шахпаска. Образование го презема ДУИ, а кадар на СДСМ ќе раководи со земјоделство. Најверојатно на челната позиција во МВР останува Оливер Спасовски.