Oд епидемиолошката состојба ќе зависи дали второто полугодие ќе почне со физичкo присуство
Oд епидемиолошката состојба ќе зависи дали второто полугодие ќе почне со физичкo присуство, велат од образование, по барањето на невладините наставата да се одвива онлајн, поради зголемен број заразени со Ковид-19…
Поради зголемувањето на бројот на заразени со коронавирусот, нема услови за настава со физичко присуство, рекоа од Движењето за поддшка на онлајн настава. Оттаму ги повикуваат владата и министерствата за образование и за здравство, да донесат одлука второто полугодие да почне со онлајн настава за сите ученици.
Од Министерството за образование, пак велат, одлуката ќе се донесе по координацијата меѓу институциите.
Министерството за образование и наука ќе се координира со Минситерството за здравство и Комисијата за заразни болести околу одлуката за начинот на кој ќе продолжи наставата во второто полугодие од учебната 2021 – 2022 година, за што јавноста ќе биде навремено информирана, се вели во соопштението Министерството за образование.
Марија Котовска