Почетокот на второто полугодие ќе зависи од епидемиолошката состојба во државата
Одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква е епидемилошката состојба во државата. Одлуката за почетокот на второто полугодие од учебната година ќе биде усогласена и со Министерството за образование и наука.
На денешниот состанок Комисијата за заразни болести ја разгледуваше евентуалната можност за промена на почетокот на второто полугодие од учебната 2021/2022 година, информираат од Министерството за здравство.
Одлуката по овој предлог ќе биде донесена непосредно пред почетокот на второто полугодие, бидејќи клучно ќе биде каква е епидемилошката состојба во државата. Одлуката за почетокот на второто полугодие од учебната година ќе биде усогласена и со Министерството за образование и наука.
Членовите на Комисијата за заразни болести на денешниот состанок дискутираа и за повеќе предлог мерки, за кои дополнително ќе се донесат одлуки и заклучоци.
На Комисијата се разгледуваше предлогот за скратување на времето на изолација на позитивни од тестирани на SARS-CoV-2 кои се асимптоматски случаи. За овој предлог членовите ќе донесат одлука по дополнителна обемна дискусија која ќе следи во наредните денови, велат од ресорот здравство.