Земјотрес и во Скопје, тлото во Битола не се смирува

Изутринава почувствуван земјотрес со јачина од 2,6 степени според Рихтер во скопското епицентрално подрачје. Се случи во близина на Студеничани и Драчево, на длабочина од 10 километри.

И тлото во Пелагонија не се смирува. Сеизмолошката опсерваторија при Природно-математичкиот факултет во Скопје, утрово повторно регистрираше серија на земјотреси од пограничното епицентрално подрачје Битола – Лерин.

Според досегашните податоци на опсерваторијата, најсилно беше почувствуван земјотресот во 04:01 часот, со локална Рихтерова магнитуда од 3,7 степени од населението во градот Битола и околината.