Бура од реакции по прес- конференцијата на Димитров

Бура од реакции на македонската политичка сцена предизвика изјавата на вицепремиерот во заминување, Никола Димитров. Од кабиентот на премиерот во заминување Зоран Заев велат- македонските позиции во разговорите со Бугарија се јавно познати, а во нивната изградба учествуваше и Никола Димитров. Доколку Димитров е против било што од позициите што сме ги граделе заедно, чесно е заради народот, да го каже тоа и да објасни зошто, а во спротивно останува впечатокот дека причина за ваквти невистини и шпекулации, е неговото неучество во новата влада, велат од кабинетот на Заев.

Кариеристот Димитров нека не глуми генерал после војна и жртва на Бугарија, тој е жртва на својата неспособност и распродавањето на државните интереси, реагираат од ВМРО- ДПМНЕ.  Задоцнета е грижата на кариеристот Димитров за националните и државните интереси, бидејќи беше првиот којшто ги продаваше кога СДСМ беше во налет и во цврста власт, и целосно ги игнорираше предупредувањата на ВМРО-ДПМНЕ, се вели во реакцијата на опозициската партија.

Од матичната партија на Османи, ДУИ пак велат – во него имаме целосна доверба и тој совесно и одговорно пристапува кон својата работа и преговорите со Бугарија.

Жалам што Димитров нема доверба во Османи на крајот од својот мандат, но ќе беше добро тоа да го кажше на почетокот, истакна вицепремиерот Артан Груби, кој е убеден дека решение со Бугарија ќе биде најдено во првите шест месеци од годинава.

Груби истакна дека сега се оечкува посетата на новиот премиер на Бугарија и одржување на заедничка седница во текот на овој месец.

Марија Котовска