Повисоки цени на горивата од полноќ

Малопродажните цени на бензините Еуросупер БС-95 и Еуросупер БС-98, се зголемуваат за денар. Еуросупер БС-95 од полноќ ќе се продава за 76,5 денари за литар, додека 98-цата ќе чини 78,5 денари.

Дизелот и екстра лесното масло за домаќинство се зголемуваат за 1,5 денари. Ќе се продаваат за 69 денари за литар. И цената на мазутот се зголемува. Новата цена ќе изнесува 42,8 денари за килограм.

Новите повисоки цени на нафтените деривати се должат на зголемувањето на цените на светските берзи во изминатиот седумдневен период.