Дигитализација на административните услуги
Целосна транспарентност и отчетност во работата на секоја општина, можност граѓаните да контактираат со своите градоначалници. Дигитализацијата на административните локални услуги, е приоритет на Министерството за локална самоуправа…
Граѓаните што сакаат да ги избегнат турканиците на шалтерите, работата ќе можат да ја завршат и онлајн, преку дигитализацијата на административните локални услуги. Тоа би значело целосна транспарентност и отчетност за функционирањето на секоја општина и полесна комуникација помеѓу граѓаните и градоначалниците.
Со дигитализацијата би се подигнал квалитетот на услугите кои институциите ги испорачуваат на граѓаните. Во спротивно, истите грешки во процесите и сервисите би се повторувале, велат невладините. Потребни се и повеќе ресурси, но и ИТ кадри.
Со имплементација на новите ИТ системи ќе може да се надгледува бројот на апликации, но ќе се следат и евидентираат трансакциите на сите интеракции помеѓу граѓаните и општината, а со тоа ќе исчезне и корупцијата, велат од програмата за развој на Обединетите нации.
Александра Спировска