МВР: Се работи на целосно расветлување на тешката сообраќајка во Карпош

По синоќешната тешка сообраќајна несреќа во скопски Карпош во која 24 годишна девојка го загуби животот, додека нејзин врсник беше повреден, МВР и јавното обвинителство ги преземаат сите мерки за брзо расчистување на инцидентот. До несреќата дошло кога патнички автомобил управуван од 22-годишник, удрил во двајцата пешаци кои ја минувале улицата.

По наредба на јавниот обвинител, МВР го лиши возачот од слобода. Направени му се вештачења на крв и на урина за да се утврди евентуално присуство на алкохол и дрога. Наложена е обдукција на телото на починатата.

Од МВР велат – во континуитет работиме и превентивно и репресивно за да ги санкционираме возачите кои со своето однесување и непочитувањето на сообраќајните правила предизвикуваат слични трагедии.

Ангеловски вели – иако бројот на сообраќајни несреќи со жртви лани значително опадна во споредба со претходните, за нас и една жртва е многу. Од МВР повторно повикаа – сите учесници во сообраќајот да ги беспрекорно почитуваат прописите. 

Марија Котовска