Нуредини: Потрошувачката на кеси е намалена за 10 пати

Речиси два месеца од воведувањето на забраната за користење пластични кеси, министерот за животна средина Нуредини ги објави првите податоци. Собрани над 14 милиони денари, а откако маркетите почнаа да ги наплатуваат, потрошувачката на кеси е намалена за десетпати. Забележана е зголемена продажба на торби за повеќекратна употреба.

Граѓаните со поделени мислења. Некои сметаат дека цената од 15 денари е висока, некои во ова гледаат спас од депониите со пластичен отпад.

Министерот појаснува – сè што е поголемо од 15 микрони значи дека е кесе за стоки, оние со помалку од 15 микрони се наменети за месни производи. Не е дозволено сечење на рачките на кесите, практика што се појави на терен, рече Нуредини.

Во многу земји со закон е ограничена употребата на пластичните кеси. Кај нас од 1 декември минатата година, пластичните кеси граѓаните ги купуваат по 15 денари, со што треба да се дестимулира купувањето на ваквите производи што ја загадуваат околината.

Александра Спировска