Годишно од 15 До 20.000 тони отпад од кланична индустрија

Со соодветни законски измени се очекува да продолжат активностите за изградба на нов капацитет за преработка на отпадот од кланичната индустрија. Планот е објектот да биде лоциран во општина Лозово, а обезбедени се и 9,5 милиони евра за изградба и набавка на опремата. Ветеринарните власти сметаат дека оваа инвестиција може да биде реализирана за две години.

На почетокот, ќе се произведуваат високоенергетски масла, а по три години ќе се почне и со производство на биопротеини.

Се работи за коски, внатрешни органи од кланици, расипани производи од месо, млеко и мрши кои може да се искористат и со преработка ќе имаат пазарна вредност. Засега е планирано од производите од отпадоците, таканаречените нус-производи ќе се искористат за производство на енергија.

Годишно во земјава остануваат околу 15 до 20.000 тони отпад од работењето на кланичната индустрија.

Методија Трајков