ИПАРД 3 тежи 97 милиони евра
Првиот јавен повик од ИПАРД програмата беше објавен во 2017 година.
Од ИПАРД 2, ќе бидат, искористени сите расположливи средства, очекуваат од Министерството за земјоделство. Вкупниот буџет е 60 милиони евра кои безмалку се целосно распределени за инвестиции во македонскиот аграр и производството на храна.
Првиот јавен повик од ИПАРД програмата беше објавен во 2017 година и досега има вкупно 7, со 4.160 пристигнати апликации и 2.094 склучени договори со што се покриваат сите понудени средства, објаснуваат од Агенцијата.
Конечната верзија на ИПАРД 3 треба да биде доставена во Брисел на 15 ноември и да се усвои од Европската комисија во декември или пред крајот на годинава. Користењето на парите ќе почне со првите јавни повици кон средината на 2022, а последните исплати ќе може да се реализираат до 2030 година. Вредноста на ИПАРД 3 е 97 милиони евра за период од 7 години.
Методија Трајков