Вонредна состојба во Отава, градот е парализиран од протестите на камионџиите

Прогласена вонредна состојба во Отава по 10-дневните протести и блокади од возачите на камиони кои го парализираа градот. Мерките ја одразуваат сериозната закана за безбедноста на граѓаните, изјавата на градоначалникот Џим Вотсон.

Протестот, наречен „конвој на слободата“, почна како противење на задолжителното вакцинирање на возачите кои ја минуваат границата со САД, но прерасна во пошироко негодување против мерките за јавно здравје и владата на премиерот Џастин Трудо.