Усогласување на минималната плата за сите вработени и почитување на колективниот договор
Синдикатот на УПОЗ на Македонија бара усогласување на платите со покачувањето на минималната плата. Пример е даден со колективниот договор во прилепската локална самоуправа кој не го прифаќаат дел советници. Ако нема усогласување, синдикалците велат дека ќе ги искористат сите законски права, па макар и тужби
За поздравување е одлуката за покачувањето на минималната плата, но мора да има и усогласување на сите плати. Во спротивно, некој ќе добие покачување, други ништо, велат од синдикатот на УПОЗ каде е најизразена ситуацијата. Прилепската локална самоуправа со потпишување на колективниот договор даде пример како треба да биде, сметаат синдикалците. Прифатија и други локални самоуправи, но дел советници одбиваат да се согласат.
Несфатливо е противењето на советниците, сметаат од синдикатот, зашто непочитувањето на колективниот договор е кривично дело.
Синдикатот на УПОЗ најавува користење на сите законски мерки, па макар и преку тужби.
Платата со високо образование во локалната администрација е 22 000 денари.
Елизабета Митреска