УПОЗ: Синдикатот бара скалесто усогласување на платите со зголемениот минималец, во спротивно ќе има штрајк

Синдикатот на УПОЗ бара истовремено со измените во законот за минимална плата во Собранието по скратена постапка да се направат измени и во посебните закони што ги регулираат платите на вработените во администрацијата и правосудството, при што вредноста на минималната плата да биде земена како основна плата, а сите вработени да имаат одредени бодови за ниво.

„ На овој начин ниту еден вработен во администрацијата не би бил на минимална плата и за првпат во историјата ќе имаме усогласување на платите со минималната плата во администрацијата и правосудството“, изјави Трпе Деаноски претседател на УПОЗ

Во спротивно дури четири категории вработени ќе имаат иста плата со минималецот, вели Деаноски.

„Досега вработените во администрацијата и правосудството се единствените што скоро 2 години 2 категории добиваат плата под минималната плата, а тоа се помладите референти кои сè уште добиваат плата 14.500 денари иако минималната е 15.194 денари и референтите кои сè уште добиваат плата 14.908 денари иако минималната плата е 15.194“, вели Деаноски

Од УПОЗ укажуваат дека вработените се плашат да тужат затоа што им се закануваат со дисциплински и со откази,а УЈП дозволува да минуваат списоци со плати на административци пониски од минималната иако тоа е спротивно со законот. Затоа синдикатот бара скалесто усогласување на платите со зголемениот минималец од 18 илјади денари вели Деаноски, во спротивно се заканија со протести и со штрајк.

И Независниот академски синдикат со став дека треба да се зголемат и другите плати согласно Колективните договори. Покачувањето на минималецот треба да се одрази и на висината на останатите плати во јавниот сектор, чиј коефициент е врзан со минималната, но и со просечната плата, се вели во соопштението на Независниот академски синдикат.

Свето Николовски