Ковачевски: Единството на државата се прави во законодавниот дом, а не со еднострани декларации

Единството се прави во законодавниот дом, вели премиерот Ковачевски. Додава дека ВМРО-ДПМНЕ со поднесувањето еднострани декларации единствено го попречува процесот на разговори кои во Парламентот се водат во духот на европските вредности.

ВМРО-ДПМНЕ во изминатиот период единствено нешто што прави е креирање хистерија во однос на разговорите што се водат со Бугарија, исто така во рамки на подготовките за работните групи што ги формиравме со бугарскиот премиер и членовите на нивната Влада заедно со нашата Влада ние упативме покана и до опозицијата, при што таа беше одбиена, изјави денес премиерот Ковачевски.

Додаде дека единството и застапувањето на нашата држава се прави во законодавниот дом, што претставува дом на сите граѓани, што се застапени од пратениците, и доколку ВМРО-ДПМНЕ мисли дека со еднострани декларации со што единствено се попречува процесот на разговори, што се водат во духот на европски вредности, и на задржување на достоинството на сите граѓани, дека ќе помогне, тие го прават токму спротивното.

За тоа кога ќе се сретне со лидерот на опозициската ВМРО-ДПМНЕ Мицкоски, како што најави при преземањето на премиерската функција, Ковачевски вели дека таа средба ќе се случи и јавноста ќе биде навремено информирана.