Лекари од дијаспората за Македонија

Македонците не ги забораваат своите корени каде и да се .Пред еден месец е формирано  Меѓународно македонско лекарско друштво на кое му претходеше австралиско- македонска лекарска асоцијација основана пред 4 години.Иницијатор и основач е 47- годишниот оториноларинголог, д-р Зоран Бечваровски, кој е роден  и живее во Сиднеј.    

Д-р Зоран Бечваровски од Австралија  сака да ги обедини сите македонски лекари да разменуваат искуства и да им помагаат на македонските пациенти насекаде во светот.Основач е на новото Меѓународно македонско лекарско друштво,што засега брои дваесетина членови од Австралија,Сад,Канада и од Македонија. Испрати видеозапис од Сиднеј.

,, Ние како лекари низ дијаспората да им помогнеме на  македонските пациенти кога одат во Америка или во Австралија или Франција или во која било земја и за полесно да  се разберат  со лекарот за неговата здравствена состојба,затоа што е докажано дека пациентот полесно се лекува на неговиот мајчин јазик.“-

вели д-р Зоран Бечваровски- раководител на хирургија во болницата Сент Џорџ –Сиднеј, Австралија и претседател на ИММСОК  

Новото здружение веднаш стапи во акција.Четворица  македонски хирурзи се веќе во Австралија за да научат нови современи хируршки техники.

,,Има место за кардиохирургија,неврохирургија,лапараскопија или општа хирургија.“- вели д-р Бечваровски.

Легитимитет добиле  и од Парламентот на Нов Јужен Велс-Австралија. Д-р Бечваровски не само што е омилен меѓу Македонците туку е и многу ценет и почитуван од австралиското општество.Професор,истражувач,практичар,промотор на македонските интереси,јазикот,културата и лидер во борбата против рак.Прави истражувања од што најчесто заболуваат Македонците во Австралија,откако претходно организирал донаторски акции и со собраните милион и пол  долари купиле ПЕТ скен апарат  за рано откривање малигни клетки.