Меѓусебни обвинувања за непочитување на договорот
Украина „бара докази“ за военото повлекување на Русија во близина на нејзината граница, осудувајќи ги „лажните обвинувања“ на Русија за „геноцид“ извршен на истокот на земјата.
Русија ја обвини Украина дека не го спроведува договорот од Минск потпишан во 2015 година. Украина пак смета дека Русија е таа што не го спроведува договорот од Минск. Украина „бара докази“ за военото повлекување на Русија во близина на нејзината граница, осудувајќи ги „лажните обвинувања“ на Русија за „геноцид“ извршен на истокот на земјата.
Во меѓувреме Русија најави ново повлекување на трупи од границата со Украина. Американските известувачки служби имаат информации кои укажуваат дека повлекувањето е намерна измама да се залажат САД. И да се прикријат вистински намери на Кремљ.
Украинските безбедносни служби извршија проверки на контролни пунктови во близина на градот Харков поради извештаите за обновени борби на истокот на земјата. Шефот на локалната служба за безбедност Роман Дудин рече дека има над 13.000 руски војници стационирани преку границата од Харков.
„Го гледаме движењето на војниците. Го знаеме точниот број на тенкови, артилерија, целата опрема што ја имаат. Го знаеме начинот на кој тие хипотетички можат да се движат, имајќи го предвид теренот на регионот Харков. Никогаш не може да бидете подготвени за војна. Меѓутоа, во споредба со 2014 година постигнавме толку голем напредок. Само Харков, кој е третата линија на одбраната, има повеќе од 17.000 војници, полицајци, кадети итн. Тоа се луѓе кои сега се на должност, опремени со оружје и подготвени да ја задржат својата позиција и да ја запрат воената агресија“, изјави шефот на украинската служба за безбедност Роман Дудин.
Британскиот министер за Европа и Северна Америка, Џејмс Клеверли ја повика Москва да се вклучи во натамошни разговори за деескалација на кризата.
„Сакаме да се вклучиме во разговори и дипломатија и доколку Русија е сериозна во врска со деескалацијата, тие треба да се вклучат во тој дипломатски пат. Но ако Русија тргне по агресивен пат, тоа неизбежно ќе има страшна човечка цена. А ќе однесе и економски одговор во форма на координирани санкции“, вели британскиот министер за Европа и Северна Америка Џејмс.
Стравувањата од нова војна во Европа повторно се зголемија бидејќи САД. Претседателот Џо Бајден предупреди дека Русија би можела да ја нападне Украина за неколку дена.
Регионот веќе е место на борби од 2014 година во кои загинаа 14.000. Украинската воена команда соопшти дека гранати погодиле детска градинка, при што биле ранети две учителки и прекинато напојување на половина од градот.
Марина Ристова