Салса викенд во Скопје
03.04.2014 15:57
Во центарот на настаните се Ведран Марчета и Лејна Кариќ-Лубарда, актуелни светски прваци во салса и вице-прваци во аргентинско танго. Освен нив, учесниците на Скопје Салса Викенд ќе можат да танцуваат со инструктори од Македонија, Србија и Босна и Херцеговина, повеќекратни прваци во латино и стандардни танци...
Овој викенд нашата метропола на едно место ќе ги собере танц-асовите од светски калибар на првиот Скопје Салса Викенд. Три дена Скопје ќе игра во ритамот на салса, зумба, аргентинско танго, афро румба, салса руеда, регетон и за прв пат на нашите подиуми – бачатанго и кизомба.
Во центарот на настаните се Ведран Марчета и Лејна Кариќ-Лубарда, актуелни светски прваци во салса и вице-прваци во аргентинско танго. Освен нив, учесниците на Скопје Салса Викенд ќе можат да танцуваат со инструктори од Македонија, Србија и Босна и Херцеговина, повеќекратни прваци во латино и стандардни танци.
Низата настани кои ги организира танцовиот клуб Dancers United MK ќе почнат во петок, 4 април со забава во центарот на Скопје (Penguin Club), ќе бидат одбележани со гала-вечер во клуб Хавана и свечено ќе се затворат во недела, во просториите на танцовиот клуб Dancers United MK.
Влезниците се во продажба во просториите на Dancers United MK.